KAN BATUN RIBADU A TSAKA MAI WUYA!

A cikin watan disamban shekarar data gabata ne na rubuta wata kasida mai taken RIBADU A TSAKA MAI WUYA, kuma jarida Aminiya ta buga a ranar 19/12/2008. kasidar taja hankalin wadanda suka karanta ta da dama, domin kuwa wasu sun kira wasu kuma sun aiko da sakon waya suna masu bayyana ra'ayinsu dangane da kasidar. Alal hakika kowa nada yancin bayyana ra'ayinsa ko tofa albarkacin bakinsa kan lamuranyau da kullum, kamar yadda nima nayi ta hanyar rubuta wannan kasidar.

kusan dukkan sakonnin dana samu da kuma wadanda suka bugo waya, in banda kalilan daga cikinsu,sunyi tir ne da kuma Allah wadai da wannan kasida nawa suna masu cewa bani da tunani. wani bawan Allah cewa yayi "wallahi inajin dadin kasidunka dana ke karantawa , amman ban taba tunanin bakasan abinda kakeyi ba sai a wannan daka rubuta kan Ribadu da kake kiran talakawa wai suyi masa addu'a", wasu sunce dani dan koran Ribadu ne da dai sauransu.
kamar dai yadda nace ne daga farko, kowa nada yancin furta albarkacin bakinsa a kowani irin lamari domin a mulkin dimokaradiyya muke-Nidai bansan wannan bawan Allah (Ribadu) ba, haka shima bai sannin ba. Ban taba ganin sa ido da ido ba, kuma babu wata alaka tsakani na dashi, haka kuma banyi tunanin nan gaba wani abu zai hadani dashiba balle mu hada idanu da shi, don haka maganar cewa ni dan koransa ne duk bata taso ba. kuma bawai na rubuta wannan kasida bane don in faranta ma Ribadu rai ko magoya bayansa ba, a'a ni gaskiyan lamari ne kawai na fadi gwargwadon sanina.

ya kamata mu fahimci cewa gaskiya fa dayace kuma daga kinta sai bata-Ribadu yayi iya bakin kokarinsa, domin kuwa ya sadaukar da kansa da rayuwarsa ya bautawa Nijeriya, don haka inhar baza'a gode masaba, to bai kamata a tsine masaba. Hukumar EFCC karkashin jagorancin Ribadu a wancan lokaci bata ragama kowa ba komai girman mutum a kasar nan in har ankamasa da yin almubazzarancin da dukiyar al'umma, yayi aikinsa batare da nuna sanayyaba, wanda hakan ga dukmaison gaskiya yasan cewa shine adalci, bawai a kyale yan lele surika cin karensu babu babbakaba, wadanda basu da gata kuma a musguna masu. koda yake banyi mamakin masu irin wannan suka marasa ma'ana akan Ribadu ba, domin kuwa kashi casa'in cikin dari na wadanda suka aikomun da ra'ayinsu kan kasidar tawa manya mutane ne a kasarnar, wata kila aikin malam Ribadu ya shafi wasu nasu ne ko su kansu. Amman hakan bai kamata yasa murika take gaskiya mu maidata karya ba, kada son zuciya ta rika dibanmu murika kinyinma kanmu adalci akan lamuran yau da kullum.

Zaiyi kyau idan zamu rika yinma kanmu adalci idan mutum yayi aikin alhei a fadi, haka kuma idan yayi akasin hakan shima a fadi kuma a nuna masa yadda zai gyara. Tayin hakane kawai zamuci gaba bawai ta fadin son rai da suka marasa ma'ana ba. Koda yake, sanin kowane a yau babu wanda za’a nunasa ace dari bisa dari shi tsarkakakkene, ma’ana bai dadan kuskure tare dashi, don haka Ribadu kamar sauran mutane na iya yin kuskure yayin gudanar da aikinsa domin shi dan adamne kuma baifi karfin yin kura kurai ba, amma duk da haka bazaiyi kyau a garemu ba idan muka ce zamu boye ayyukan alheri dayayi a kasar nanba.
Alal hakika wannan hali da Malam Nuhu Ribadu ya shiga ciki abin kunya ne ga Nijeriya, ace mutane kamar su Ribadu wadanda suka sadaukar da rayuwarsu sukayi aiki tukuru an kasa saka masu da alheri sai aibantasu akeyi. Tababs wannna koma bayane ko shakka babu, gwamnatin nijeriya ta gaza wajen kare mutuncin Ribadu da kimarsa. Hakan kuwa manuniyace ga yan baya wadanda keda kudirin bautawa kasarnan da kada ko kusa suyi tunanin yin haka, domin suma nasu zata samesu kamar yadda ake cin zarafin Ribadu duk da irin gudunmuwar daya bayar wajen ci gaban kasrnan.

Hakika suma sarakuna da shugabannin arewa sun gaza matuka gaya kan rashin tsoma bakinsu kan wannan tsangwama da cin zarafi da akema Ribadu. Ya kamata shugabannin arewa suyi kokarin nemarmasa yancinsa na dan kasa kuma suyi kiran a gaggauta dakatar da wannan tsangwama da ake masa, don kare kimarsa a idon duniya. Abin bakin cikine yadda akasamu daya daga cikin shugabannin arewa ya fito fili yana nuna jin dadinsa kan halin da wannan bawan Allah yake ciki.

Daga karshe, zanjawo hankalin masu irn wadannan suka susan cewa bantaba yin kwai naba saida zakara, don haka ya kamata mu ajiye son zuciya a gefe, don samun cigaba. Har ila yau, bazan gaji da kira ga talakawa da masu murajin tabbatar da gaskiya da adalci a kasarnan ba da suci gaba dayin addu’a don Allah ya kubutar da wannan dan mutaliki, adali kuma haziki kan azzaluman mutanen da sukasa shi a gaba. Allah yayi mana jagora, amin.