Tarihin kasahen Nahiyar Afrika ya samo usuli ne daga Taron Berlin da akayi a shekarar 1885 a wannan taron ne aka amince da yanyanke Afrika ga daulolin Nahiyar Turai. Irin mulkin mallaka ko mulaka'u da daulolin Nahiyar Turai din suka yi na wa'adi ne ya Allah mai tsawo ko takaitacce. A karshen mulkin mallakar, kasashen da aka mallaka sun sami 'yanci a sakamakon fahimta da yarjejeniya ko kuma bayan anyi gwagwarmayar yakin kwatan 'yanci.
kasashen Afrika da suka sami 'yanci kan tafiyar da harkokin mulkin dimokuradiyya mai tsarin mulki da jam'iyun siyasa kan yin aiki tare. A dan lokaci kadan (kamar shekaru hudu) tsarin siyasa mai jam'iyu da yawa kan ruguje ya haifar da jam'iya daya mai kama-karya ko kuma mulkin soja. Irin wannan yanayi ne ya yiwa harkokin siyasa kaka-gida a kasashen Afrika har zuwa karshen shekarun 1980.
Ilahirin Nahiyar Afrika ta tsunduma cikin hadahadar tsarin mulki irin na dimokuradiya wanda hakan ba ya samuwa sai ta hanyar zabe.
No comments:
Post a Comment